Nyheiter, fagstoff og juridiske perspektiv

Mange skriv framtidsfullmakter – advokat advarar mot å gjere feil som kan føre til at den blir ugyldig

Framtidsfullmakt er eit privatrettsleg alternativ til verjemål der ein sjølv kan peike ut den som skal ta avgjersler på vegne av seg sjølv, dersom ein i framtida ikkje er i stand til dette på grunn av sjukdom som til dømes demens. Det har kanskje aldri vore viktigare å sikre framtida med ei korrekt utfylt framtidsfullmakt, ifølge samarbeidsadvokat og distriktsleiar Jan Erik Mardal i Huseierne avdeling Sogn og Fjordane. Interessa for slike fullmakter har eksplodert, men mange risikerer at fullmakta blir ugyldig på grunn av små, men fatale feil.